Eldsneytisnotkun

Eldsneytisnotkun Íslendinga á seinni árum

Brennsluolía eða svartolía var aðallega notuð í gufukötlum togara og kötlum og þurrkurum fiskimjölsverksmiðja. Á árunum kringum 1980 þegar olíuverð var hvað hæst var töluvert um notkun svartolíu í stað gasolíu í skipum. Þar hjálpuðu til gæði rússnesku svartolíunnar og verðlagning.

Bensínnotkun hófst hér á landi þegar bílar komu til landsins í byrjun 20. aldar og fer notkunin enn vaxandi. Notkun gasolíu byrjaði með dieselvélum í farþega- og flutningaskipum og hefur einnig farið vaxandi. Notkun þotueldsneytis hófst er Flugfélag Íslands tók í notkun tvær skrúfuþotur árið 1957. Sú tegund steinolíu sem kölluð er þotueldsneyti er nú flutt til landsins í stórum stíl.